اکسیر زیبای "استاد صمد پور امان"
من چکدیگیم هیجراندی . سن نییه آغلاییرسان؟
کونلوم ائوی ویراندی. سن نییه آغلاییرسان؟
یوسفیمدن اوزاقام . اوره گیم حوزن اوتاقی
منیم سینم کنعاندی . سن نییه آغلاییرسان.؟
دئمیشدیلر کی یارین . رحمه مینیبدیر گلیر
خبر چاتدی پئشمتندی . سن نییه آغلاییرسان ؟
من لیلی سیز چوللرده . ایللردی کی مجنونام
منیم اوره گیم قاندی . سن نییه آغلاییرسان؟
او گئچدیگی یوللاری . اوز اوسته سورونورم
منیم ایشیم حیرماندی . سن نییه آغلاییرسان.؟
ایللردیرکی ساچیمی . کولگده داراماییب
من تئلیم پریشاندی . سن نییه آغلاییرسان ؟
درگاهین منا ائدیب . جانی قوربان قویموشام
او اوزگه یه قورباندی . سن نییه آغلاییرسان ؟
عوموردو یای قیش پاییز .روحومون بولبولونه
قارا تیکان مسکاندی . سن نییه آغلاییرسان ؟
"صمد" آه - زار ایچینده . بو قدر یانماق اولماز
او غیریله خنداندی . سن نییه آغلاییرسان ؟
عضو شويد
عضويت سريع